"Bavariya" darvozaboni Manuel Noyer "Shtutgart" hujumchisi Nik Voltemade haqida fikr bildirdi.
Myunxenliklar 23 yoshli futbolchini o‘z safiga qo‘shib olishga harakat qilmoqda, ammo muzokaralar jarayoni og‘ir kechmoqda.
"U juda yaxshi futbolchi, uni bekorga Voltemessi deb atashmaydi. U to‘p bilan yaxshi muomala qiladi va oldindan nima qilishini aytib bo‘lmaydi," - deya Noyerning so‘zlarini keltiradi Bild.
Eslatib o‘tamiz, shanba kuni Germaniya Superkubogi doirasida "Bavariya" va "Shtutgart" o‘zaro bahs olib bordi. Unda myunxenliklar 2:1 hisobida g‘alaba qozonib, sovrinni qo‘lga kiritdi.
