"Бавария" дарвозабони Мануэль Нойер "Штутгарт" ҳужумчиси Ник Вольтемаде ҳақида фикр билдирди.
Мюнхенликлар 23 ёшли футболчини ўз сафига қўшиб олишга ҳаракат қилмоқда, аммо музокаралар жараёни оғир кечмоқда.
"У жуда яхши футболчи, уни бекорга Вольтемесси деб аташмайди. У тўп билан яхши муомала қилади ва олдиндан нима қилишини айтиб бўлмайди," - дея Нойернинг сўзларини келтиради Bild.
Эслатиб ўтамиз, шанба куни Германия Суперкубоги доирасида "Бавария" ва "Штутгарт" ўзаро баҳс олиб борди. Унда мюнхенликлар 2:1 ҳисобида ғалаба қозониб, совринни қўлга киритди.
