Italiyaning "Milan" klubi mavsumni Italiya kubogining birinchi raundida "Bari" ustidan 2:0 hisobida g‘alaba qozonish bilan boshladi. Gollardan birini amerikalik yarim himoyachi Kristian Pulishich kiritdi, u o‘yindan so‘ng mavsumning birinchi o‘yini haqida gapirdi.
"Biz uchun bu mavsumning yaxshi boshlanishi. Ko‘proq gol urishimiz ham mumkin edi, ammo g‘alaba qozonganimiz muhim. Hozir chempionlikni qo‘lga kiritish kabi maqsadlarni qo‘yish vaqti emas - o‘yindan-o‘yinga ishlash va yaxshilanish kerak," - deya Kristian Pulishichning so‘zlarini keltiradi pianetamilan.it.
