"Milan" klubi qanot hujumchisi Noa Okafor faoliyatini Angliyada davom ettirishi mumkin. Futbolchi "Lids" qiziqishlari doirasiga tushib qolgan. Bu haqda La Gazzetta dello Sport nashri xabar bermoqda.

Manbaga ko‘ra, "Lids" Okafor uchun "Milan"ga 20 mln yevro taklif qilgan. Ingliz klubi shveysariyalik futbolchi bilan shaxsiy shartnoma shartlari bo‘yicha kelishuvga erishgan. Futbolchi transferi amalga oshgan taqdirda yangi jamoasi bilan 4 yillik shartnoma imzolaydi.

Hujumchi o‘tgan mavsumning ikkinchi qismini "Napoli"da ijara asosida o‘tkazdi. Okafor jami 21 ta o‘yin o‘tkazib, 1 ta gol urgan va 2 ta golli uzatmani amalga oshirgan. Transfermarkt ma’lumotlariga ko‘ra, Shveysariya terma jamoasi futbolchisining narxi - 13 mln yevro.