Mashhur sobiq futbolchi Lotar Matteus "Bavariya" hujumchisi Xarri Keynning yaqinda bergan bayonotiga munosabat bildirdi.
Ingliz jamoaga futbolchilar yetishmayotganini ma’lum qildi va Myunxen grandining hozirgi tarkibini "o‘zi o‘ynagan eng kichik tarkiblardan biri" deb atadi.
"Keyn nega bunday deganini tushunmayapman. Luis Dias va Jonatan Ta ajoyib transferlar, shuningdek, jamoaga Tom Bishoff, yaxshi yarim himoyachi keldi. Mavsum davomida Jamal Musiala, Alfonso Devis va Xiroki Ito jarohatidan forig‘ bo‘ladi. Mavsum oldidan o‘zini ko‘rsatgan yosh futbolchilar bor," - deya Matteusning so‘zlarini keltiradi Bayern & Germany.
