"Atalanta" "Fulxem" forvardi Rodrigo Munis transferiga muqobil variant sifatida "Lechche" hujumchisi Nikola Krstovich transferini ko‘rib chiqmoqda, deb xabar beradi Football Italia.

Manbaga ko‘ra, "Atalanta" va "Lechche" o‘rtasida 25 yoshli chernogoriyalik futbolchi bo‘yicha aloqalar mavjud bo‘lgan. Agar "Fulxem" 24 yoshli braziliyalik futbolchining transferini cho‘zishda davom etsa, kelishuv tezda amalga oshishi mumkin.

2024/25 yilgi mavsumda Krstovich "Lechche" safida barcha musobaqalarda 38 ta o‘yinda maydonga tushib, 12 ta gol urdi va 5 ta golli uzatmani amalga oshirdi. Uning shartnomasi 2027 yilning 30 iyuniga qadar amal qiladi.

Transfermarkt portali futbolchining transfer qiymatini 15 million yevroga baholagan.