"Аталанта" "Фулхэм" форварди Родриго Мунис трансферига муқобил вариант сифатида "Лечче" ҳужумчиси Никола Крстович трансферини кўриб чиқмоқда, деб хабар беради Football Italia.
Манбага кўра, "Аталанта" ва "Лечче" ўртасида 25 ёшли черногориялик футболчи бўйича алоқалар мавжуд бўлган. Агар "Фулхэм" 24 ёшли бразилиялик футболчининг трансферини чўзишда давом этса, келишув тезда амалга ошиши мумкин.
2024/25 йилги мавсумда Крстович "Лечче" сафида барча мусобақаларда 38 та ўйинда майдонга тушиб, 12 та гол урди ва 5 та голли узатмани амалга оширди. Унинг шартномаси 2027 йилнинг 30 июнига қадар амал қилади.
Transfermarkt портали футболчининг трансфер қийматини 15 миллион еврога баҳолаган.
