Italiya murabbiylar assosiasiyasi Isroilni chetlatishni talab qilmoqda.
“Prezidiumdagi muhokamadan so‘ng assosiasiya milliy kengashi bir ovozdan federasiya rahbari Gravina va FIGC ning barcha tuzilmalariga maktub yo‘llashga qaror qildi, unda UYEFA va FIFAdan Isroilning ishtirokini vaqtinchalik to‘xtatib turishni talab qilib, Italiya futboli Falastin xalqini qo‘llab-quvvatlash taklifi berildi”, — deyiladi tashkilot xabarida.
"Sport asosidagi gumanistik qadriyatlar bizni dahshatli oqibatlarga olib keladigan harakatlarga qarshi turishga majbur qiladi" - dedi assosiasiya rahbari Renso Ulivyeri.
"Bo‘layotgan voqealardan yuz o‘girib, shunchaki o‘ynash mumkinmi? Biz buni noto‘g‘ri deb hisoblaymiz", - dedi vise-prezident Djankarlo Kamoleze.
"Begunoh qurbonlar juda ko‘p, ularning ko‘plari sportchilardir. Bu xalqaro qarshi choralarni izlash uchun yana bir sababdir, jumladan bizning hududimizda" - deya qo‘shimcha qildi vise-prezident Pyerluidji Vossi.
"Dunyo yonmoqda. Falastinliklar kabi ko‘plab xalqlar azob chekmoqda. Befarqlikka yo‘l qo‘yib bo‘lmaydi", - deya xulosa qildi vise-prezident Franchesko Perondi.
