Италия мураббийлар ассоциацияси Исроилни четлатишни талаб қилмоқда.
“Президиумдаги муҳокамадан сўнг ассоциация миллий кенгаши бир овоздан федерация раҳбари Гравина ва FIGC нинг барча тузилмаларига мактуб йўллашга қарор қилди, унда УЕФА ва ФИФАдан Исроилнинг иштирокини вақтинчалик тўхтатиб туришни талаб қилиб, Италия футболи Фаластин халқини қўллаб-қувватлаш таклифи берилди”, — дейилади ташкилот хабарида.
"Спорт асосидаги гуманистик қадриятлар бизни даҳшатли оқибатларга олиб келадиган ҳаракатларга қарши туришга мажбур қилади" - деди ассоциация раҳбари Ренцо Уливьери.
"Бўлаётган воқеалардан юз ўгириб, шунчаки ўйнаш мумкинми? Биз буни нотўғри деб ҳисоблаймиз", - деди вице-президент Джанкарло Камолезе.
"Бегуноҳ қурбонлар жуда кўп, уларнинг кўплари спортчилардир. Бу халқаро қарши чораларни излаш учун яна бир сабабдир, жумладан бизнинг ҳудудимизда" - дея қўшимча қилди вице-президент Пьерлуиджи Восси.
"Дунё ёнмоқда. Фаластинликлар каби кўплаб халқлар азоб чекмоқда. Бефарқликка йўл қўйиб бўлмайди", - дея хулоса қилди вице-президент Франческо Перонди.
