"Tottenxem" Savio Moreyra o‘rniga Magnes Akliushni sotib olishi mumkin.
Avvalroq, London klubi "Manchester Siti" vingeri transferi bo‘yicha muzokaralar olib borayotgani haqida xabarlar tarqalgan edi.
The Independent xabariga ko‘ra, "shaharliklar" 21 yoshli futbolchi uchun 70 million funt olishni istamoqda. "Shporlar" bunday katta summani to‘lashga tayyor emas va arzonroq variantlarni izlamoqda.
Londonliklarning e’tiborini "Monako"ning 23 yoshli futbolchisi o‘ziga tortdi. Taxminlarga ko‘ra, Liga 1 klubi Akliushni 55 million yevro evaziga qo‘yib yuborishga tayyor.
Magn Fransiya chempionatining o‘tgan mavsumida 32 ta o‘yinda maydonga tushib, 5 ta gol va 10 ta golli uzatmaga mualliflik qilgan.
