"Тоттенхэм" Савио Морейра ўрнига Магнес Аклиушни сотиб олиши мумкин.
Аввалроқ, Лондон клуби "Манчестер Сити" вингери трансфери бўйича музокаралар олиб бораётгани ҳақида хабарлар тарқалган эди.
The Independent хабарига кўра, "шаҳарликлар" 21 ёшли футболчи учун 70 миллион фунт олишни истамоқда. "Шпорлар" бундай катта суммани тўлашга тайёр эмас ва арзонроқ вариантларни изламоқда.
Лондонликларнинг эътиборини "Монако"нинг 23 ёшли футболчиси ўзига тортди. Тахминларга кўра, Лига 1 клуби Аклиушни 55 миллион евро эвазига қўйиб юборишга тайёр.
Магн Франция чемпионатининг ўтган мавсумида 32 та ўйинда майдонга тушиб, 5 та гол ва 10 та голли узатмага муаллифлик қилган.
