"Manchester Yunayted" vingeri Jeydon Sancho hamon "Roma"ga o‘tishi mumkin.

Kuni kecha xabar berilganidek, "qizil iblislar" ingliz futbolchisini Rim klubiga sotishga tayyorligini bildirgan, biroq futbolchi "bo‘rilar"ga o‘tishga rozilik bermagan edi. Sky Sport Italia’ning yangilangan ma’lumotlariga ko‘ra, "Manchester Yunayted" va "Roma" bitimning barcha shartlarini hal qilgan: transfer qiymati 19 mln yevro va bonuslar ko‘rinishida 5 mln yevroni tashkil qiladi. Muammo shundaki, 25 yoshli futbolchining o‘zi hamon transferga rozilik bermagan.

Jeydon Sancho "Roma" uchun maoshini keskin qisqartirishga rozi bo‘lmoqchi emas. Futbolchiga "Beshiktosh" va "Yuventus" klublari ham qiziqish bildirmoqda.