"Brentford" "Nyukasl"ning Yoan Vissa bo‘yicha so‘nggi taklifini rad etdi.
Avvalroq, "hakkalar" 28 yoshli forvard transferi uchun 35 mln funt va 5 mln funt bonus taklif qilgani haqida xabarlar tarqalgan edi.
"Brentford"dagi manbalar vaziyatni muhokama qilish vakolatiga ega bo‘lmagani uchun anonimlik sharti bilan klub hech qaysi jamoaga so‘ralgan narxni aytmaganini ta’kidladi, deb yozadi The Athletic.
Iyul oyida "Nottingem Forest" ham futbolchi bo‘yicha rad javobini olgandi.
Futbolchining yana bir yillik shartnomasi bor va APL klubi uni yana 12 oyga uzaytirish imkoniyatiga ega.
Qayd etilishicha, Vissaning o‘zi "Nyukasl"ga o‘tishni istamoqda. Hujumchi "Brentford"ning Portugaliyadagi yig‘inidan qaytgan, ammo mavsumoldi o‘yinida maydonga tushmagan va APLning "Nottingem Forest"ga qarshi birinchi o‘yinida (3:1) jamoa tarkibida bo‘lmagan.













