"Брентфорд" "Ньюкасл"нинг Йоан Висса бўйича сўнгги таклифини рад этди.
Аввалроқ, "ҳаккалар" 28 ёшли форвард трансфери учун 35 млн фунт ва 5 млн фунт бонус таклиф қилгани ҳақида хабарлар тарқалган эди.
"Брентфорд"даги манбалар вазиятни муҳокама қилиш ваколатига эга бўлмагани учун анонимлик шарти билан клуб ҳеч қайси жамоага сўралган нархни айтмаганини таъкидлади, деб ёзади The Athletic.
Июль ойида "Ноттингем Форест" ҳам футболчи бўйича рад жавобини олганди.
Футболчининг яна бир йиллик шартномаси бор ва АПЛ клуби уни яна 12 ойга узайтириш имкониятига эга.
Қайд этилишича, Виссанинг ўзи "Ньюкасл"га ўтишни истамоқда. Ҳужумчи "Брентфорд"нинг Португалиядаги йиғинидан қайтган, аммо мавсумолди ўйинида майдонга тушмаган ва АПЛнинг "Ноттингем Форест"га қарши биринчи ўйинида (3:1) жамоа таркибида бўлмаган.
