Dortmundning "Borussiya" klubi hujumchisi Jovanni Reyna transfer oynasi yakuniga qadar Myonxengladbaxning "Borussiya" klubiga ko‘chib o‘tishi mumkin, deya xabar bermoqda jurnalist Janluka Di Marsio.
Manbaga ko‘ra, transfer summasi 3 million yevrodan 3,5 million yevrogacha va bonuslar bo‘lishi mumkin. Yakuniy javob payshanba kuni kutilmoqda.
Avvalroq, 22 yoshli amerikalik futbolchiga "Parma" qiziqish bildirayotgani haqida xabarlar tarqalgan edi.
Reynaning "Borussiya" bilan amaldagi shartnomasi 2026 yilga qadar imzolangan.













