Дортмунднинг "Боруссия" клуби ҳужумчиси Жованни Рейна трансфер ойнаси якунига қадар Мёнхенгладбахнинг "Боруссия" клубига кўчиб ўтиши мумкин, дея хабар бермоқда журналист Жанлука Ди Марцио.
Манбага кўра, трансфер суммаси 3 миллион евродан 3,5 миллион еврогача ва бонуслар бўлиши мумкин. Якуний жавоб пайшанба куни кутилмоқда.
Аввалроқ, 22 ёшли америкалик футболчига "Парма" қизиқиш билдираётгани ҳақида хабарлар тарқалган эди.
Рейнанинг "Боруссия" билан амалдаги шартномаси 2026 йилга қадар имзоланган.













