Londonning "Chelsi" klubi hujumchisi Kristofer Nkunku Germaniyaning "RB Leypsig" klubiga o‘tishi mumkin.

Jurnalist Florian Plettenbergning ma’lumotiga ko‘ra, "RB Leypsig"da Nkunku transferini orzu qilishmoqda, ammo hozir klub to‘laqonli transferga tayyor emas. Ta’kidlanishicha, nemis jamoasi 27 yoshli fransuzni ijaraga olmoqchi, ammo "Chelsi"ning pozisiyasi qat’iy - to‘laqonli transfer yoki majburiy sotib olish huquqi bilan ijara.

O‘tgan mavsumda Nkunku barcha musobaqalarda 48 ta o‘yinda maydonga tushib, 15 ta gol urdi va beshta assistni o‘z hisobiga yozdirib qo‘ydi.