Tez orada "Barselona" La Ligada qanot himoyachisi Jerar Martinni ro‘yxatdan o‘tkazadi.
Diario AS nashriga ma’lum bo‘lishicha, "ko‘k-anorranglilar" rahbariyati yarim himoyachi Oriol Romeu bilan shartnomani bekor qilishga kelishib olgan. Manbaga ko‘ra, bu klubga bosh murabbiy Xans-Diter Flik o‘z tarkibida ko‘rishni juda xohlayotgan Martinni ro‘yxatdan o‘tkazish imkonini beradi.
Ta’kidlanishicha, "Barselona" bilan shartnoma bekor qilingach, Romeu o‘tgan mavsumni ijara asosida o‘tkazgan "Jirona"ga qaytishi mumkin. Ammo futbolchining La Liga va MLSda boshqa variantlari ham bor.













