Тез орада "Барселона" Ла Лигада қанот ҳимоячиси Жерар Мартинни рўйхатдан ўтказади.
Diario AS нашрига маълум бўлишича, "кўк-анорранглилар" раҳбарияти ярим ҳимоячи Ориол Ромеу билан шартномани бекор қилишга келишиб олган. Манбага кўра, бу клубга бош мураббий Ханс-Дитер Флик ўз таркибида кўришни жуда хоҳлаётган Мартинни рўйхатдан ўтказиш имконини беради.
Таъкидланишича, "Барселона" билан шартнома бекор қилингач, Ромеу ўтган мавсумни ижара асосида ўтказган "Жирона"га қайтиши мумкин. Аммо футболчининг Ла Лига ва МЛСда бошқа вариантлари ҳам бор.













