"Sevilya" klubi qanot himoyachisi Xose Anxel Karmona faoliyatini "Nottingem Forest"da davom ettirishi mumkin. Bu haqda jurnalist Matteo Moretto xabar bermoqda.
Manbaga ko‘ra, klublar 23 yoshli ispaniyalik futbolchining transferini bonuslar bilan qo‘shib hisoblaganda 11 million yevroga to‘liq kelishgan. Ammo futbolchining o‘zi hozircha "o‘rmonchilar"ga rozilik bergani yo‘q.
2024/25 yilgi mavsumda Karmona Ispaniya chempionatida 35 ta o‘yinda maydonga tushdi, ammo samarali harakat qila olmadi. Aytish kerakki, futbolchining hisobida 11 ta sariq kartochka bor edi, ammo birorta ham chetlatish bo‘lmadi.
