"Севилья" клуби қанот ҳимоячиси Хосе Анхель Кармона фаолиятини "Ноттингем Форест"да давом эттириши мумкин. Бу ҳақда журналист Маттео Моретто хабар бермоқда.
Манбага кўра, клублар 23 ёшли испаниялик футболчининг трансферини бонуслар билан қўшиб ҳисоблаганда 11 миллион еврога тўлиқ келишган. Аммо футболчининг ўзи ҳозирча "ўрмончилар"га розилик бергани йўқ.
2024/25 йилги мавсумда Кармона Испания чемпионатида 35 та ўйинда майдонга тушди, аммо самарали ҳаракат қила олмади. Айтиш керакки, футболчининг ҳисобида 11 та сариқ карточка бор эди, аммо бирорта ҳам четлатиш бўлмади.
