"PSJ" ustozi Luis Enrike vinger Usmon Dembele haqida fikr bildirdi. Fransuz o‘tgan mavsumni ajoyib o‘tkazdi va "Oltin to‘p" uchun asosiy da’vogarlardan biri hisoblanadi.

«O‘ylashimcha, bu mavsum — Usmon uchun o‘ziga xos sinov. Axir o‘tgan mavsum aql bovar qilmaydigan darajada bo‘ldi. Va ishonchim komilki, u o‘z o‘yinini yanada yaxshilay oladi. Bunga shubham yo‘q. Bunday deyish uchun jasoratli bo‘lish kerak, lekin menimcha, u buning uchun hamma narsaga ega. Dembele biz uchun juda muhim futbolchi. U nafaqat hujumda, balki himoyada ham yaxshi. Men uni doim kulib turgan holda ko‘raman. U baxtli va umid qilamanki, bu mavsum u va jamoa uchun yanada yaxshi o‘tadi», - dedi Enrike jurnalistlarga.

22 avgust, juma kuni "PSJ" Fransiya chempionatida "Anje"ga qarshi uy uchrashuvini o‘tkazadi.