"ПСЖ" устози Луис Энрике вингер Усмон Дембеле ҳақида фикр билдирди. Француз ўтган мавсумни ажойиб ўтказди ва "Олтин тўп" учун асосий даъвогарлардан бири ҳисобланади.
«Ўйлашимча, бу мавсум — Усмон учун ўзига хос синов. Ахир ўтган мавсум ақл бовар қилмайдиган даражада бўлди. Ва ишончим комилки, у ўз ўйинини янада яхшилай олади. Бунга шубҳам йўқ. Бундай дейиш учун жасоратли бўлиш керак, лекин менимча, у бунинг учун ҳамма нарсага эга. Дембеле биз учун жуда муҳим футболчи. У нафақат ҳужумда, балки ҳимояда ҳам яхши. Мен уни доим кулиб турган ҳолда кўраман. У бахтли ва умид қиламанки, бу мавсум у ва жамоа учун янада яхши ўтади», - деди Энрике журналистларга.
22 август, жума куни "ПСЖ" Франция чемпионатида "Анже"га қарши уй учрашувини ўтказади.
