"Jirona" "Barselona" yarim himoyachisi Mark Kasadoni o‘z safiga qo‘shib olmoqchi.
"Oq-qizillar" 21 yoshli futbolchini ijaraga olish bo‘yicha taklif bilan chiqqan, biroq "Barsa"dan ham, xavbekning o‘zidan ham rad javobini olgan, deb xabar beradi RAC1. "Ko‘k-anorranglilar" foydali transfer taklifi tushgan taqdirdagina, umidli ispaniyalik bilan xayrlashish imkoniyatini ko‘rib chiqadi.
Mark Kasadoning Transfermarkt talqini bo‘yicha narxi 30 mln yevroga teng. Futbolchi Kataloniya grandining asosiy jamoasi safida barcha musobaqalarda 41 ta o‘yin o‘tkazib, bitta gol va oltita golli uzatmani o‘z hisobiga yozdirib qo‘ygan.
