"Kristal Pelas" bosh murabbiyi Oliver Glasner hujumkor yarim himoyachi Eberechi Eze haqida gapirdi. 27 yoshli futbolchi Konferensiyalar ligasi saralashidan o‘rin olgan "Fredrikstad"ga qarshi o‘yinda qaydnomaga kiritilmadi.
"To‘g‘risini aytsam, Ezening maydonga tushishini kutgandim, ammo ertalab u menga qo‘ng‘iroq qilib, o‘zini yomon his qilayotgani va o‘ynay olmasligini aytdi. Boshqa chora yo‘q edi. Qolgan hamma narsa haqida klub xo‘jayinidan so‘rang," - dedi Glasner Channel 5 Sport’ga bergan intervyusida.
Eberechi Eze "Tottenxem"ga o‘tishga yaqin edi, ammo "Arsenal" poygaga qaytdi va inglizni "shporlar"dan tortib oldi.
