"Кристал Пэлас" бош мураббийи Оливер Гласнер ҳужумкор ярим ҳимоячи Эберечи Эзе ҳақида гапирди. 27 ёшли футболчи Конференциялар лигаси саралашидан ўрин олган "Фредрикстад"га қарши ўйинда қайдномага киритилмади.
"Тўғрисини айтсам, Эзенинг майдонга тушишини кутгандим, аммо эрталаб у менга қўнғироқ қилиб, ўзини ёмон ҳис қилаётгани ва ўйнай олмаслигини айтди. Бошқа чора йўқ эди. Қолган ҳамма нарса ҳақида клуб хўжайинидан сўранг," - деди Гласнер Channel 5 Sport’га берган интервьюсида.
Эберечи Эзе "Тоттенхэм"га ўтишга яқин эди, аммо "Арсенал" пойгага қайтди ва инглизни "шпорлар"дан тортиб олди.
