"Vulverxempton" markaziy hujumchisi Yorgen Strand Larsen faoliyatini "Nyukasl"da davom ettirishi mumkin. Bu haqda Express Star xabar bermoqda.
Manbaga ko‘ra, "qarg‘alar" 25 yoshli norvegiyalik futbolchini o‘z safiga qo‘shib olmoqchi. Bitim summasi qariyb 70 million yevroni tashkil etishi mumkin.
Joriy yilning yozida "Vulverxempton" Larsenni Ispaniyaning "Selta" klubidan 27 million yevroga sotib oldi. Biroq, forvard o‘tgan mavsumda ham jamoa safida ijara asosida to‘p surgan edi. Ingliz klubi safida u jami 39 ta uchrashuvda 14 ta gol va beshta assistni o‘z hisobiga yozdirib qo‘ygan.
