"Вулверхэмптон" марказий ҳужумчиси Йорген Странд Ларсен фаолиятини "Ньюкасл"да давом эттириши мумкин. Бу ҳақда Express Star хабар бермоқда.
Манбага кўра, "қарғалар" 25 ёшли норвегиялик футболчини ўз сафига қўшиб олмоқчи. Битим суммаси қарийб 70 миллион еврони ташкил этиши мумкин.
Жорий йилнинг ёзида "Вулверхэмптон" Ларсенни Испаниянинг "Сельта" клубидан 27 миллион еврога сотиб олди. Бироқ, форвард ўтган мавсумда ҳам жамоа сафида ижара асосида тўп сурган эди. Инглиз клуби сафида у жами 39 та учрашувда 14 та гол ва бешта ассистни ўз ҳисобига ёздириб қўйган.
