"Arsenal"ning yangi qimmatbaho hujumchisi Eberechi Eze APL 2-turi doirasida "Lids"ga qarshi maydonga tushishi yoki tushmasligi haqida ma’lumot paydo bo‘ldi.
Team news and ticks xabariga ko‘ra, vingerning keyingi o‘yinda "Arsenal"ga yordam berish imkoniyati yo‘q, chunki bu vaqtga kelib Eze hali ro‘yxatdan o‘tmagan bo‘ladi. Shuningdek, "Arsenal" Ezening transferini 22 avgust, juma kuni e’lon qilishi ham dargumon. Vaholanki, avvalroq aynan shu kuni "kanonirlar"ning yangi a’zosi yangi klubida tibbiy ko‘rikdan o‘tishi xabar qilingandi.
Eslatib o‘tamiz, Eze Londonning "Kristal Pelas" klubidan "Arsenal" futbolchisiga aylanadi. Mish-mishlarga ishonadigan bo‘lsak, Ezening xaridi "Arsenal"ga 68 million yevroga tushadi.













