"Paxtakor" bosh murabbiyi Kamoliddin Tojiyev Superliganing 20-turi doirasida bo‘lib o‘tgan "Andijon"ga qarshi o‘yindan keyin matbuot anjumanida qatnashdi.
"O‘yinda to‘liq ustunlik qildik va yutuqqa erishdik. O‘n futbolchi bo‘lib qolganimizdan keyin ham yigitlar kurashishda davom etishdi. Oxirigacha harakat va hujumlarni susaytirmadik. Bellashuvga doimgidek tayyorgarlik ko‘rdik. Biz har bir bahsga jiddiy hozirlik ko‘ramiz", — dedi Tojiyev.













