Jovanni Reyna Dortmundning "Borussiya" klubidan Myonxengladbaxning "Borussiya" klubiga o‘tadi.

Klublar 22 yoshli yarim himoyachining transferi bo‘yicha kelishib oldi, deya xabar bermoqda Sky Sport jurnalisti Florian Plettenberg.

Bitim summasi 3 million yevroni tashkil etadi, shuningdek, 4 million yevro miqdorida bonus to‘lovlari ham ko‘zda tutilgan. Futbolchining o‘zi allaqachon "Gladbax"ga o‘tishga rozilik bergan. Bugun u tibbiy ko‘rikdan o‘tadi.

Bundesliganing o‘tgan mavsumida amerikalik futbolchi 16 ta o‘yinda maydonga tushib, 2 ta gol urgan.