Londonning "Arsenal" klubi ikki yetakchisi Bukayo Saka va Martin Edegorning jarohatlari u qadar jiddiy emasligi ma’lum bo‘ldi. Bu haqda The Times futbol jurnalisti Gari Yakob o‘zining shaxsiy ijtimoiy tarmog‘ida ma’lum qildi.

"Yakshanba kuni ikkalasi ham tekshiruvlardan o‘tkazildi, ammo ular "Liverpul" bilan o‘yinda ishtirok etishi hozircha noma’lum," - deb yozadi manba.

Eslatib o‘tamiz, Saka va Edegor shanba kuni "Emireyts"da "Arsenal"ning o‘z uyida "Lids"ga qarshi o‘yinida jarohat olgan edi. Edegor yiqilish paytida yelkasini jarohatlagan, Saka esa sonidan shikastlangan.

31 avgust kuni "Arsenal" APLning 3-turida "Liverpul" mehmoni bo‘ladi.