Лондоннинг "Арсенал" клуби икки етакчиси Букайо Сака ва Мартин Эдегорнинг жароҳатлари у қадар жиддий эмаслиги маълум бўлди. Бу ҳақда The Times футбол журналисти Гари Якоб ўзининг шахсий ижтимоий тармоғида маълум қилди.
"Якшанба куни иккаласи ҳам текширувлардан ўтказилди, аммо улар "Ливерпуль" билан ўйинда иштирок этиши ҳозирча номаълум," - деб ёзади манба.
Эслатиб ўтамиз, Сака ва Эдегор шанба куни "Эмирейтс"да "Арсенал"нинг ўз уйида "Лидс"га қарши ўйинида жароҳат олган эди. Эдегор йиқилиш пайтида елкасини жароҳатлаган, Сака эса сонидан шикастланган.
31 август куни "Арсенал" АПЛнинг 3-турида "Ливерпуль" меҳмони бўлади.
