"Monako" Fransiya chempionatining 2-turida "Lill" mehmoni bo‘lib, 0:1 hisobida imkoniyatni boy berdi.
Yagona gol 90+1-daqiqada mezbonlar hujumchisi Olivye Jiru tomonidan kiritildi. 90+8-daqiqada hujumchi dublga erishishi mumkin edi, ammo 11 metrlik jarima zarbasini golga aylantira olmadi.
"Lill" 2 o‘yinda 4 ochko to‘plab, Liga 1 turnir jadvalida beshinchi o‘ringa ko‘tarilib oldi. "Monako" 3 ochko bilan sakkizinchi o‘ringa tushib ketdi.
Keyingi turda "Lill" safarda "Loryan" mehmoni bo‘lsa, "Monako" o‘z maydonida "Strasbur"ni qabul qiladi.
