"Manchester Siti" bosh murabbiyi Xosep Gvardiola himoya chizig‘idagi muammolarni hal qilish uchun o‘z prinsiplaridan voz kechmoqchi emasligini aytdi.
Himoyadagi qiyinchiliklar "shaharliklar"ning o‘tgan mavsumdagi muvaffaqiyatsizligi sabablaridan biri bo‘ldi. Premyer-liga 2-turidan o‘rin olgan "Tottenxem"ga (0:2) qarshi kechgan so‘nggi o‘yinda muammolar yana bir bor namoyon bo‘ldi.
"Men yuqori mudofaa chizig‘idan voz kechaman deb o‘ylamayman. Ko‘p yillardan beri shunday tajovuzkor o‘ynashni yoqtiraman. Ba’zida "Tottenxem" bilan o‘yindagi kabi muvaffaqiyatsizliklar bo‘lib turadi. Birinchi gol urilgan vaziyatda barchasini santimetrlar hal qildi. Ammo biz buni davom ettiramiz. Albatta, vaziyatga qarab moslashamiz, men sodda emasman, ammo niyatimiz avvalgidek - har doimgidek tajovuzkorona himoyalanish," - dedi Gvardiola.
31 avgust kuni "Manchester Siti" APL 3-turida "Brayton" mehmoni bo‘ladi.













