"Vulverxempton" hujumchi Yorgen Strand Larsenni sotib olish bo‘yicha "Nyukasl"dan kelgan taklifni rad qildi. Bu haqda Sky Sports xabar bermoqda.
Qayd etilishicha, "hakkalar" norvegiyalik uchun deyarli 58 mln yevro taklif qilgan, ammo bunday taklif "bo‘rilar" rahbariyatini qoniqtirmagan.
"Vulverxempton" futbolchi bilan xayrlashmoqchi emas, degan fikrlar bor. Shuningdek, "bo‘rilar" rahbariyati "Nyukasl" futbolchi uchun maqbul narx taklif qila olmasligiga ishonmoqda.
Larsen 2025 yilning yozida "bo‘rilar" futbolchisiga aylandi. U o‘tgan mavsumda ham ushbu klubda o‘ynagan, ammo "Selta"dan ijara asosida. Hujumchi 25 yoshda.













