"Вулверхэмптон" ҳужумчи Йорген Странд Ларсенни сотиб олиш бўйича "Ньюкасл"дан келган таклифни рад қилди. Бу ҳақда Sky Sports хабар бермоқда.
Қайд этилишича, "ҳаккалар" норвегиялик учун деярли 58 млн евро таклиф қилган, аммо бундай таклиф "бўрилар" раҳбариятини қониқтирмаган.
"Вулверхэмптон" футболчи билан хайрлашмоқчи эмас, деган фикрлар бор. Шунингдек, "бўрилар" раҳбарияти "Ньюкасл" футболчи учун мақбул нарх таклиф қила олмаслигига ишонмоқда.
Ларсен 2025 йилнинг ёзида "бўрилар" футболчисига айланди. У ўтган мавсумда ҳам ушбу клубда ўйнаган, аммо "Сельта"дан ижара асосида. Ҳужумчи 25 ёшда.
