"Nyukasl" o‘z rasmiy sayti orqali gruziyalik forvard Vaxtang Saliya transferini e’lon qildi.

Eslatib o‘tamiz, yosh futbolchi o‘tgan yilning kuzida ingliz klubi bilan mehnat shartnomasini imzolagan edi. O‘shanda Saliya 18 yoshga to‘lganida "Nyukasl"da to‘laqonli o‘ynay olishi mumkinligi ta’kidlangandi. Hujumchi 18 yoshini 30 avgust kuni nishonlaydi.

Gruziyalik futbolchi allaqachon Tbilisining "Dinamo" klubi futbolchilari va muxlislari bilan xayrlashgan.

Saliya o‘tgan mavsumda gruziyaliklar safida 22 ta o‘yinda 3 ta gol va 2 ta golli uzatmaga mualliflik qilgan. Transfermarkt ma’lumotlariga ko‘ra, uning narxi 800 ming yevroni tashkil etadi.