"Ньюкасл" ўз расмий сайти орқали грузиялик форвард Вахтанг Салия трансферини эълон қилди.
Эслатиб ўтамиз, ёш футболчи ўтган йилнинг кузида инглиз клуби билан меҳнат шартномасини имзолаган эди. Ўшанда Салия 18 ёшга тўлганида "Ньюкасл"да тўлақонли ўйнай олиши мумкинлиги таъкидланганди. Ҳужумчи 18 ёшини 30 август куни нишонлайди.
Грузиялик футболчи аллақачон Тбилисининг "Динамо" клуби футболчилари ва мухлислари билан хайрлашган.
Салия ўтган мавсумда грузияликлар сафида 22 та ўйинда 3 та гол ва 2 та голли узатмага муаллифлик қилган. Transfermarkt маълумотларига кўра, унинг нархи 800 минг еврони ташкил этади.
