"Betis" hamon Antonini qaytarishga harakat qilmoqda.
Ispan klubi "Manchester Yunayted" bilan 25 yoshli vingerning ehtimoliy transferini muhokama qilmoqda, ammo hali inglizlarni qoniqtiradigan shartlarni taklif qilgani yo‘q. Mankunianliklar futbolchini yana ijaraga berishni istamayapti va uni sotishni ma’qul ko‘rmoqda, deb xabar beradi Sky Sports.
Braziliyalik futbolchi bilan bog‘liq vaziyatni "Bavariya", "Bayer" va "Atletiko" klublari kuzatib bormoqda.
Antoni o‘tgan mavsumning ikkinchi qismini "Betis"da ijara asosida o‘tkazgan edi. U La Liga doirasida 17 ta o‘yinda maydonga tushib, 5 ta gol va 2 ta golli uzatmaga mualliflik qilgan.













