"Бетис" ҳамон Антонини қайтаришга ҳаракат қилмоқда.
Испан клуби "Манчестер Юнайтед" билан 25 ёшли вингернинг эҳтимолий трансферини муҳокама қилмоқда, аммо ҳали инглизларни қониқтирадиган шартларни таклиф қилгани йўқ. Манкунианликлар футболчини яна ижарага беришни истамаяпти ва уни сотишни маъқул кўрмоқда, деб хабар беради Sky Sports.
Бразилиялик футболчи билан боғлиқ вазиятни "Бавария", "Байер" ва "Атлетико" клублари кузатиб бормоқда.
Антони ўтган мавсумнинг иккинчи қисмини "Бетис"да ижара асосида ўтказган эди. У Ла Лига доирасида 17 та ўйинда майдонга тушиб, 5 та гол ва 2 та голли узатмага муаллифлик қилган.
