"Atletiko" yarim himoyachisi Konor Gallaxer "Kristal Pelas"ga o‘tishi mumkin, deya xabar bermoqda jurnalist Fabrisio Romano.
Manbaga ko‘ra, ingliz klubi futbolchining ijarasi masalasida allaqachon ispan jamoasi bilan bog‘langan. Qayd etilishicha, muzokaralarning dastlabki bosqichi allaqachon yakunlangan, ammo madridliklar 25 yoshli inglizning kelajagi borasida hali bir qarorga kelmagan.
Gallaxer 2024 yilning yozidan beri "Atletiko" sharafini himoya qilmoqda. Bu vaqt ichida u barcha turnirlarda 52 ta o‘yin o‘tkazib, 4 ta gol va 6 ta golli uzatmani amalga oshirdi. Uning klub bilan amaldagi shartnomasi 2029 yilning iyun oyi oxirigacha mo‘ljallangan. Transfermarkt portali xavbekning narxini 40 million yevroga baholamoqda.
