"Атлетико" ярим ҳимоячиси Конор Галлахер "Кристал Пэлас"га ўтиши мумкин, дея хабар бермоқда журналист Фабрицио Романо.
Манбага кўра, инглиз клуби футболчининг ижараси масаласида аллақачон испан жамоаси билан боғланган. Қайд этилишича, музокараларнинг дастлабки босқичи аллақачон якунланган, аммо мадридликлар 25 ёшли инглизнинг келажаги борасида ҳали бир қарорга келмаган.
Галлахер 2024 йилнинг ёзидан бери "Атлетико" шарафини ҳимоя қилмоқда. Бу вақт ичида у барча турнирларда 52 та ўйин ўтказиб, 4 та гол ва 6 та голли узатмани амалга оширди. Унинг клуб билан амалдаги шартномаси 2029 йилнинг июнь ойи охиригача мўлжалланган. Transfermarkt портали хавбекнинг нархини 40 миллион еврога баҳоламоқда.
