"Ovyedo" xavbeki Kuasi Siboning fikricha, "Real" birinchi golni qo‘polliksiz kiritgan.
"Real" safarda La Liga 2-turida "Ovyedo"ni (3:0) mag‘lub etdi.
Uchrashuvning 37-daqiqasida Kilian Mbappe hisobni ochdi. Bungacha maydon markazida Orelyen Tchuameni raqib hujumini to‘xtatib, "podkat" bilan Leander Dendonkerdan to‘pni olib qo‘ydi. VAR o‘yin qoidasi buzilgani uchun vaziyatni ko‘rib chiqdi, ammo bosh hakam Rikardo de Burgos Bengoechea golni hisobga olishga qaror qildi.
"Bir qarashda menga Tchuameni to‘pga tegmagandek tuyuldi. Ammo keyinroq takroriy lavhani ko‘rganimda... U birinchi bo‘lib to‘pga tegdi, aytadigan gapim yo‘q. Hammasi adolatli. Menimcha, gol qoida bo‘yicha urildi," - dedi Sibo o‘yindan keyin.













