Angliya terma jamoasi va "Manchester Yunayted" xavbeki Kobbi Maynu Ispaniya chempionatining top-klublariga ko‘chib o‘tish imkoniyatiga ega. Bu haqda insayder Mayk Kigan xabar bermoqda.
20 yoshli yarim himoyachini Madridning ikki klubi o‘z safiga qo‘shib olmoqchi. Gap "Real" va "Atletiko" haqida ketmoqda. Avvalroq, matbuotda Maynu boshqa jamoaga o‘tishga qarshi emasligi haqida xabarlar tarqalgan edi.
Kobbining mankunianliklar bilan amaldagi mehnat shartnomasi 2027 yilning yarmigacha mo‘ljallangan. Futbolchining bozor narxi 50 million yevroga baholanmoqda.
O‘tgan mavsumda Maynu 37 ta o‘yinda qatnashib, 2 ta gol va 1 ta golli uzatmani o‘z hisobiga yozdirib qo‘ydi.
