Англия терма жамоаси ва "Манчестер Юнайтед" хавбеки Кобби Майну Испания чемпионатининг топ-клубларига кўчиб ўтиш имкониятига эга. Бу ҳақда инсайдер Майк Киган хабар бермоқда.
20 ёшли ярим ҳимоячини Мадриднинг икки клуби ўз сафига қўшиб олмоқчи. Гап "Реал" ва "Атлетико" ҳақида кетмоқда. Аввалроқ, матбуотда Майну бошқа жамоага ўтишга қарши эмаслиги ҳақида хабарлар тарқалган эди.
Коббининг манкунианликлар билан амалдаги меҳнат шартномаси 2027 йилнинг ярмигача мўлжалланган. Футболчининг бозор нархи 50 миллион еврога баҳоланмоқда.
Ўтган мавсумда Майну 37 та ўйинда қатнашиб, 2 та гол ва 1 та голли узатмани ўз ҳисобига ёздириб қўйди.
