"Inter Mayami" futbolchisi Lionel Messi Liga kubogi yarim finalidan o‘rin olgan "Orlando Siti"ga (3:1) qarshi o‘yindan so‘ng jurnalistlar bilan suhbatlashdi.
38 yoshli argentinalik futbolchi dublni rasmiylashtirdi: 77-daqiqada u penaltini aniq amalga oshirib, hisobni tenglashtirdi, 88-daqiqada esa g‘alaba to‘pini kiritdi. Avvalgi ikki o‘yinni yulduz hujumchi jarohat tufayli o‘tkazib yuborgandi.
"Bugun o‘ynashni juda xohlagandim. "Los-Anjeles Gelaksi" bilan o‘yindan keyin o‘zimni noqulay his qildim, ammo "Orlando Siti" bilan o‘yinga yaxshi tayyorgarlik ko‘rdim, chunki bu o‘yin qanchalik muhimligini, raqib qanchalik kuchli ekanini bilardim. Avvalroq, bu mavsumda bu jamoani ikki marta mag‘lub eta olmagandik. Birinchi bo‘limda tezlik yetishmadi, ammo tanaffusdan keyin o‘zimni yengil va erkin his qildim," - deya Messining so‘zlarini keltiradi Inter Miami News Hub.
