"Интер Майами" футболчиси Лионель Месси Лига кубоги ярим финалидан ўрин олган "Орландо Сити"га (3:1) қарши ўйиндан сўнг журналистлар билан суҳбатлашди.
38 ёшли аргентиналик футболчи дублни расмийлаштирди: 77-дақиқада у пенальтини аниқ амалга ошириб, ҳисобни тенглаштирди, 88-дақиқада эса ғалаба тўпини киритди. Аввалги икки ўйинни юлдуз ҳужумчи жароҳат туфайли ўтказиб юборганди.
"Бугун ўйнашни жуда хоҳлагандим. "Лос-Анжелес Гэлакси" билан ўйиндан кейин ўзимни ноқулай ҳис қилдим, аммо "Орландо Сити" билан ўйинга яхши тайёргарлик кўрдим, чунки бу ўйин қанчалик муҳимлигини, рақиб қанчалик кучли эканини билардим. Аввалроқ, бу мавсумда бу жамоани икки марта мағлуб эта олмагандик. Биринчи бўлимда тезлик етишмади, аммо танаффусдан кейин ўзимни енгил ва эркин ҳис қилдим," - дея Мессининг сўзларини келтиради Inter Miami News Hub.
