«Manchester Siti» va «PSJ» haligacha darvozabon Janluiji Donnarumma transferi bo‘yicha kelishib olishmagan.
Parijliklar futbolchini sotuvga qo‘yishdi, italiyalikning o‘zi ham ketishini ma’lum qildi va mahalliy muxlislar bilan xayrlashdi.
26 yoshli darvozabonga asosiy da’vogar "Manchester Siti" bo‘lib turibdi, u hali "PSJ"ni ishontira olmagan: jurnalist Devid Ornshteynning so‘zlariga ko‘ra, klublar o‘rtasidagi muzokaralar bir necha kundan buyon oldinga siljamagan.
Qiyinchiliklarga qaramay, fransuz grandi vakillari transfer amalga oshishiga ishonishmoqda.
