"Benfika" tayanch yarim himoyachisi Florentino Luish faoliyatini Italiyaning "Roma" klubida davom ettirishi mumkin. Bu haqda jurnalist Janluka di Marsio ma’lum qildi.

Ta’kidlanishicha, 26 yoshli portugaliyalik Rim jamoasiga juda yoqmoqda, uning o‘zi ham klubini o‘zgartirishga tayyor. Ammo "Roma" rahbariyati o‘z yarim himoyachilaridan birortasi bilan xayrlashgan taqdirdagina Florentinoga rasmiy taklif bilan chiqadi.

Florentino Luish "Benfika" tarbiyalanuvchisi hisoblanadi. U joriy mavsumda barcha turnirlarda 8 ta uchrashuvda maydonga tushib, 1 ta gol urishga muvaffaq bo‘ldi.

Transfermarkt portali ma’lumotlariga ko‘ra, futbolchining narxi 22 million yevroni tashkil etadi.